Kosi ul rrezikun e prekjes nga diabeti

Kërkuesit nga Kembrixhi bënë të ditur se sipas studimeve kosi mund të ulë riskun e prekjes nga diabeti i tipit 2.

Artikulli i publikuar në revistën “Diabetologia”, tregon se sa më shumë kos të konsumoni aq më shumë ulet risku (deri në 28%) i prekjes nga diabeti i tipit 2. Në këtë studim morën pjesë 4,255 persona, tek të cilët regjistrohej çdo gjë që ata konsumonin gjatë ditës.

Personat të cilët kishin konsumuar më shumë kos, kishin 24% më pak mundësi të prekeshin nga diabeti, krahasuar me ata të cilët nuk kishin konsumuar kos.

“Nga ky studim del se ka ushqime të veçanta luajnë një rol të rëndësishëm në parandalimin e diabetit të tipit 2,” tha një prej studiuesve, duke shtuar se kosi mund t’i shërbejë mbarë organizmit. /infokosova.net

Antibiotikët bio që nuk skadojnë

Është një realitet i trishtë që muajt e ftohtë bashkohen me të ftohtët e gripin, por është një fakt.

Madje edhe më të fiksuarit ndaj higjienës dhe dizinfektantëve të duarve nuk i shpëtojnë dot virozave, duke u palosur në shtrat për ditë të tëra të sëmurë nga gripi. Mundësia për t’u sëmurë varet më shumë nga gjendja juaj shëndetësore sesa nga sa herë i lani duart apo i dizinfektoni, por kjo s’do të thotë që s’duhet të bëni kujdes ndaj ambientit. Kur vjen puna për t’u mbrojtur nga sëmundjet kujdesi nuk është asnjëherë i tepërt. Nëse plani juaj për të mos u sëmurë këtë dimër fillon dhe mbaron me të konsumuarit të një gote më shumë lëng portokalli, ndoshta bëni mirë ta rimendoni këtë strategji. Çaji mbetet ilaçi kryesor për të gjithë, por cili çaj funksionon më mire?

Çaji i Malit

Të gjithë e kemi shijuar çajin e malit, një tisanë unike e shumë e shëndetshme, thesari i paçmuar nga i cili mund të përfitohet, jo vetëm duke e konsumuar. Çaji i malit është një bimë e egër, që rritet në lindje të Mesdheut, veçanërisht në Ballkan. Ashtu siç edhe emri e tregon më së miri, në male në lartësi që variojnë nga 1500 deri në 1900 metra, shpesh herë në sipërfaqe shkëmbore. Të huajt mbarojnë për çajin tone të malit, ndërsa shqiptarë janë mësuar me të dhe drejtohen shpesh ndaj çajrave të botës.

Çaji i Mentes

Ky çaj lehtëson dhimbjet dhe problemet e ndryshme të stomakut dhe ndihmon procesin e tretjes. Lehtëson të përzierat, dhe çrregullimet e spazmave, forcon sistemin imunitar ndaj gripit dhe lehtëson problemet në frymëmarrje Eleminon aromën e keqe të gojës dhe ndihmon në ekuilibrimin e oreksit.

Çaji i Xhenxhefilit ose Ginger

Përmban nivele të larta të vitaminës C, magnezit dhe mineraleve të tjera. Një kupë çaji para udhëtimit, parandalon të përzierat. Përmirëson performancën e stomakut në tretje dhe uron problemet e ndryshme në sistemin e frymëmarrjes duke nisur nga ftohja deri te alergjitë e ndryshme. Përmirëson qarkullimin e gjakut dhe lehtëson dhimbjet e ciklit menstrual dhe qetëson muskujt. Për shkak të nivelit të lartë të antioksidantëve, forcon sistemin imunitar dhe ndihmon në çlirimin e stresit dhe qetësimin e sistemit nervor.

Çaji i gjelbërt

Çaji i gjelbër përmban përbërje bioaktive që përmirësojnë shumë parametra të shëndetit të njeriut. Përbërësit e çajit të gjelbër përmirësojnë funksionin e trurit dhe rrisin nivelin e djegies së yndyrnave duke përmirësuar performancën fizike. Antioksidantët e çajit të gjelbër ulin riskun e kancerit. Në moshë të thyer, çaji i gjelbër ul riskun e Alzhaimerit dhe Parkinsonit. Çaji i gjelbër vret bakteret duke ndihmuar në shëndetin e dhëmbëve dhe uljen e riskut për infeksione./AgroWeb.org/

Hirra, pija që mund të kurojë një sërë sëmundjesh

Hirra, lëngu të cilin gjyshet tona e kanë përdorur dikur, sot është një lëng pak i njohur. Në tregje vështirë të gjendet, por nëse diku në afërsi keni hapësira ku shitet djathi apo jeni në lidhje me dikë që prodhon sasi të mëdha të djathit, gjithsesi se mund ta gjeni
Kjo është pjesë e lëngut që mbetet nga procesi i zënies së djathit, hirra. Është e përdorshme per shkak të vlerave të larta ushqyese dhe për shkak që e rregullon tretjen.

Posedon 16 lloje të proteinave, tetë minerale, shtatë vitamina, 23 aminoacide, 11 enzima dhe shumë elemente të tjera të shëndetshme.

Disa besojnë se hirra posedon vlerë më të lartë ushqyese se sa të bardhat e vezës. Nxitë punën e veshkave, mëlçisë dhe lukthit, përshpejton pastrimin e organizmit dhe largon helmet e grumbulluara.

Nëse e konsumoni në mënyrë të rregullt, ndihmon në aktivizimin e shumë funksioneve të trupit, e po ashtu ndihmon edhe në shkrirjen e dhjamit shtesë. Mund ta pini tri herë në ditë me nga 1.5 decilitra, e nëse pas disa ditëve nuk ka efekte anësore, mund ta konsumoni një litër në ditë.

Studiues si dr. Drasek dhe dr. Menkiv kane dokumentuar se si banoret e Kaukazit nuk e dinë se çfarë është tuberkulozi, kanceri apo çrregullimet e zorrëve. /mapo

Kivi largon nikotinën nga trupi juaj

Secili nga ju tashmë dini për pasojat që i lë duhani shëndetit tonë, por është tejet e vështirë që të merret vendimi për ta lënë atë.
Kjo ka një arsye të thjeshtë, ngase organizmi krijon një varësi të fortë ndaj nikotinës.

Megjithatë ekziston një mënyrë aleternative, pa efekte anësore, në e cila është natyrale për ta larguar nga trupi nikoninën që organizmi ka pranuar.

Kjo vie nga portali i njohur botëror Shtëpia e Ushqimit dhe Shëndetit, i cili ka listuar disa nga ushqimet që mund të na ndihmojnë për ta realizuar një gjë të tillë:

Brokoli, është i pari në listë pasi ai është i pasur me vitaminën C, dhe B5, ndërsa të pirit duhan redukton vitaminën C nga trupi ndërsa duke u ushqyer me brokoli eliminoni nikotinën nga organizmi.

Portokalli- gjithashtu është i pasur me vitaminën C, e konsumimi i rregullt i portokallit do të përmirësojë ndjeshëm metabolizmin dhe çlirojë stresin.

Lëngu i karrotës- është shumë i mirë për lëkurën dhe e pasuron atë me vitaminat A,C,K dhe B, si dhe është provuar se është efecientë në heqjen e nikotinës nga trupi.

Spinaqi- një nga perimet më të shëndetshme për shkak se jo vetëm është i pasur me vitamina por përmbanë gjithashtu sasi të madhe acidi folik.

Kivi- është frut i mrekullueshëm që do të ju ndihmojë të eliminoni nikotinën, ai përmbanë Vitamina A, C dhe F, ndërsa kur ju tymosni cigare ulni ndjeshëm nivelet e këtyre vitaminave.

Uji- Konsumimi i cigares dehidraton trupin tuaj, ndërkaq sipas shumë kërkimeve nëse do të pini sasi të mjaftueshme uji, ju mund ta ndaloni pirjen e duhanit dhe eliminoni sadopak nikotinën në trupin tënd. / Reporteri.net

Ushqehet vetëm me banane për 12 ditë, shikoni se çfarë ndodhi! |VIDEO|

Ushqehet vetëm me banane për 12 ditë, shikoni se çfarë ndodhi! |VIDEO|

A jeni duke provuar të humbni disa kilogramë në trupin tuaj? Hani banane çdo ditë. Kështu veproi Yulia Tarabath.

Bananet janë burim i shkëlqyeshëm i vlerave ushqyese. Ato ndihmojnë në përmirësimin e të pamurit, e rrisin humbjen e peshës, ulin tensionin e lartë të gjakut etj.

Yulia nuk ka ngrënë asgjë përveç bananeve për 12 ditë me radhë, thotë se ka konsumuar shumë ujë, ka pushuar për shumë kohë dhe ka qenë aktive me ushtrime gjithë kohën, kjo lloj diete njihet edhe si ‘një-frut’.

Përveç përmirësimeve shëndetësore, ajo gjithashtu kishte vërejtur edhe disa nga ushqimet e preferuara (jo dhe aq të shëndetshme) kishin filluar të mos i pëlqenin. /lajmi.net

YouTube

Mit dem Laden des Videos akzeptieren Sie die Datenschutzerklärung von YouTube.
Mehr erfahren

Video laden

Lëngu magjik për duhanpirësit që pastron mushkëritë dhe mban qelizat tumorale larg

Gjëja më e mirë që mund të bëjë një duhanpirës, është të lëri duhanin. Gjithsesi, nëse nuk mund ta lejë dot, të paktën të konsumojë ushqime që pastrojnë mushkëritë.

Qepë, hudhër, kurkuma, ginger, lini, janë ushqime që parandalojnë sëmundjet malinje. Kurkuma është e pasur me anti oksidantë, lini është i pasur me omega-3 dhe parandalon kancerin, gingeri është antibakterial, po ashtu edhe hudhra e qepët.

Receta e këtij eliksiri:

1 kg qepë

1 litër ujë

400 gramë sheqer kaf

2 lugë çaji me kurkuma

1 rrënjë e vogël gingeri e qëruar

50 ml vaj lini

Si fillim hidhni sheqerin në ujë dhe vendoseni në zjarr. Shtoni qepët të cilat duhet të jenë të qëruara dhe të ndara në katër pjesë, më pas shtoni gingerin dhe kurkumën. Kur të fillojë të ziejë, ulni shpejtësinë e zjarrit. Ziejeni ngadalë derisa e gjithë masa të përgjysmohet duke e përzier herë pas here.

Hiqeni nga zjarri dhe lëreni të ftohet plotësisht. Pasi të jetë ftohur shtoni sasinë e shkruar të vajit të linit dhe përziejeni mirë.

Ruajeni në një kavanoz qelqi të mbyllur mirë, në frigorifer.

Konsumoni 2 lugë gjelle nga kjo recetë çdo mëngjes esëll sapo zgjoheni, po ashtu edhe 2 lugë gjelle në mbrëmje para se të flini.

Kjo do të ndihmojë në pastrimin e mushkërive dhe parandalimin e sëmundjeve që shkakton duhanpirja. /tesheshi.com/