Ja çfarë ndodhi mbrëmë në Shipkovicë të Tetovës (VIDEO)

Ja çfarë ndodhi mbrëmë në Shipkovicë të Tetovës (VIDEO)

Gjatë përmbytjeve që ndodhën mbrëmë në fshatin Shipkovicë të Tetovës së Maqedonisë e humbën jetën tre persona, ndërsa një tjetër konsiderohet i zhdukur. Po ashtu jane shkaterruar shume prona.

YouTube

Mit dem Laden des Videos akzeptieren Sie die Datenschutzerklärung von YouTube.
Mehr erfahren

Video laden

/Klan-Kosova

Kumanovë: Nga të shtënat – një i vrarë dhe dy të plagosur

(E plotësuar) Një person është vrarë ndërsa dy të tjerë janë plagosur gjatë shkëmbimit të zjarrit në Kumanovë në orët e pasdites së sotme.

I vrari është Xhamail Rexhepi, ish-pjesëtar i UÇK-së, i njohur si komandant Shqiponja, kurse janë plagosur Gani Demiri dhe Shefki Rexhepi, të cilët janë dërguar për trajtim mjekësor në spitalin e qytetit.
Lajmi është konfirmuar nga Ministria e punëve të brendshme e Maqedonisë, e cila po zhvillon hetime për shkaqet e këtij incidenti të rëndë.
Incidentit i ka paraprirë zënka mes anëtarëve të partisë Bashkimi Demokratik për Integrim (DBI), lidhur me zgjedhjen e kryetarit të degës partiake në Kumanovë.
Autor i vrasjes dyshohet të jetë, Bajram Limani, i cili ka deklaruar për mediat se aktin e ka kryer ne vetëmbrojtje pasi është sulmuar nga pjesëtarët e grupit tjetër.
Zënkat mes anëtarëve të BDI-së në Kumanovë janë të pranishme tash e një kohë të gjatë.(Rel) / RTKlive

Maqedoni: Liderët mblidhen sërish, pak gjasa për marrëveshje

Liderët e katër partive më të mëdha politike të Maqedonisë, Nikolla Gruevski (VMRO-DPMNE), Zoran Zaev (LSDM), Ali Ahmeti (BDI) dhe Menduh Thaçi (PDSH), do të takohen sot sërish në Shkup.

Por gjasat që të arrijnë marrëveshje janë pothuajse zero.

Kjo për arsye se të dy palët mbeten në pozicionet e veta – opozita kërkon që Gruevski të tërhiqet nga funksioni i kryeministrit më së voni gjashtë muaj par zgjedhjeve të parakohshme, kurse pushteti insiston që ai të mbetet në krye të Qeverisë kalimtare.

Një sinjal plus se marrëveshje s’do të ketë është fakti se në takimin e sotëm nuk do të marrë pjesë eurokomisari Johannes Hahn, ngase porosia nga Brukseli ka qenë se ai do të vijë në Shkup vetëm nëse ka gjasa për marrëveshje.

Megjithatë, ambasadori amerikan Jess Bailey dhe ai i Bashkimit Evropian Aivo Orav do të jenë të pranishëm në takim, në rolin e vëzhguesve të procesit.

Takimi i sotëm u paralajmërua si tentim i fundit që DVMRO-DPMNE dhe LSDM të arrijnë marrëveshje për të filluar procesin negociator për gjetjen e zgjidhjes për krizën politike, kurse nëse kjo nuk ndodh opozita dhe sektori civil paralajmëruan marrjen e masave më radikale.

Kryeministri Gruevski në fjalimin e tij të djeshëm para Unionit të të rinjve të partisë e akuzoi LSDM-në se po punon në drejtim që negociatat të dështojnë. Në anën tjetër, LSDM këmbëngul se zgjedhje të lira, fer dhe demokratike nuk mund të ketë nëse vendin vazhdon ta drejtojë një qeveri me Gruevskin në krye. / RTKLive.com

New York Times: Maqedonia është në udhërkyq

New York Times: Maqedonia është në udhërkyq

Gazeta prestigjioze amerikane përmes një shkrimi për Maqedoninë ka shkruar se ky vend gjendet në një udhëkryq me shumë probleme.

“Maqedonia po qëndron anash në dhomën e pritjes për në Evropë, e izoluar për shkak të problemit të emrit, e kërcënuar nga një konflikt etnik dhe e demoralizuar nga ekonomia e dobët që e bën këtë vend me shkallë më të lartë të papunësisë në Evropë. Është e pritshme që mbi 300 mijë qytetarë të braktisin këtë vend gjatë pesë viteve të fundit”, thuhet në kolumnën e titulluar “Maqedonia në udhëkryq”, e publikuar në Neë York Times, transmeton INA.

“Derisa ky vend po aktëron reforma dhe po gënjen Brukselin me procesin e integrimeve, ky regjim po vazhdon me stilin ballkanik të një ‘demokracie funksionale’. Punësimi në Qeveri është i kushtëzuar me votimin e partisë në pushtet, ndërsa njëri nga televizionet më kritik ndaj partisë në pushtet është mbyllur. Partia në pushtet VMRO-DPMNE i shfrytëzon zgjedhjet për të treguar se si opozitës nuk mund ti besohet dhe se ajo i përgadit zgjedhjet për të siguruar rizgjedhjen e saj”, thekson kolumna e NYT.

Më tej theksohet se Qeveria e mahnitur nga imazhi i saj i krijuar si viktimë e komploteve të huaja, ajo ka krijuar në thelb  një retorikë agresive nacionaliste ndaj fqinjëve të saj.

NYT më tej nënvizon se shpërthimi i aferës së përgjimeve nga lideri i opozitës maqeodnase Zoran Zaev ka zbardhur një nga skandalet më të mëdha në këtë vend, ku pushteti ka ndjekur dhe regjistruar 670 mijë regjistrime telefonike të paligjshme, të telefonave të politikanëve të opozitës, ministrave, krerëve të tjerë shtetëror, gazetarëve, sektorit joqeveritar, klerikëve, etj. Këto përgjime zbardhën aktivitete korruptive dhe kriminale, vjedhje të votave, por edhe fshehje të vrasjeve.

Lidhur me ngjarjen e Kumanovës theksohet në maj, grupe të armatosura të shqiptarëve dhe forcat maqedonase të sigurisë u përleshën në afërsi të qytetit, me ç`rast humbën jetën 22 veta, por me këtë sërish u rikthye frika nga dhuna ndëretnike.

Por, kriza e tanishme nuk ka asgjë të përbashkët me konfliktin e vitit 2001. Zemërimi ndaj elitave ka bashkuar maqedonasit dhe shqiptarët, ndërsa demonstratat janë një nga vendet e rralla, ku shpresa evropiane për një Maqedoni multietnike është realitet.  /INA/

Lexo shkrimin original të NYT:

http://www.nytimes.com/2015/06/09/opinion/macedonia-at-the-crossroads.ht…

Bushati: Maqedonia në krizë politike

Bushati: Maqedonia në krizë politike

Situata në Maqedoni po karakterizohet nga kriza politike dhe forcat qeveritare duhet të zbatojnë Marrëveshjen e Ohrit.

Kështu deklaroi ministri i Punëve të Jashtme, Ditmir Bushati, në interpelancë që u thirr nga deputetja e Partisë Demokratike, Mesila Doda, mbi ngjarjet e Kumanovës në Maqedoninë fqinje, transmetojnë medie nga Tirana.

Për ministrin Bushati, Marrëveshja e Ohrit, cilësohet si baza e bashkëjetesës dhe bashkëpunimit ndëretnik në Maqedoni, madje zbatimi i saj nuk është aspak bllokadë.

“Procesi i demokratizimit të shoqërisë në Maqedoni është një proces i brendshëm i tyre, ndaj dhe si i tillë nuk mund të ndërhyhet nga jashtë”, theksoi ministri Bushati, i cili më pas bëri të ditur se “Shqipëria është gjithnjë në mbështetje të qëndrueshmërisë politike e sociale në vendin fqinj”.

Deputetja demokrate i konsideroi ngjarjet e ndodhura në qytetin shqipfolës të Maqedonisë si një ndodhi që kërkon hetim ndërkombëtar, pasi edhe sot e kësaj dite, ende nuk dimë shkaqet që çuan në pasjen e asaj përplasjeje të armatosur mes një grupi luftëtarësh nga Kosova dhe forcave speciale të qeverisë së Shkupit. Doda e konsideroi atë ngjarje si një të tillë që na përket edhe neve në Shqipëri, pasi si ligjvënës të Parlamentit shqiptar e kanë për detyrë të mbrojnë të drejtat e shqiptarëve, kudo ku ata jetojnë. 

Maqedonia shkon në zgjedhje të parakohshme

Maqedonia shkon në zgjedhje të parakohshme

Maqedonia shkon në zgjedhje të parakohshme parlamentare, të cilat do të zhvillohen në prill të vitit të ardhshëm.

Kështu paralajmëroi Komesioneri për zgjerim i Bashkimit Evropain,Johanes Han, pas një takimi maratonik me katër kryetarët e partive politike kryesore në Maqedoni.

“Është me rëndësi që të zgjidhen problemet e brendshme prandaj kishim presion kohor për tu zgjidhur kriza dhe të arrihet një balans dhe kompromis politik. U pajtuam për të pasur një periudhë tranzicioni, ndërsa deri në fund të prillit të vitit të ardhshëm të mbahen zgjedhje të parakohshme parlamentare. Por shumë me rëndësi është që vendi të përgatitet paraprakisht për to dhe do të mundësohet një atmosferë për zgjedhje të lira dhe demokratike”, ka theksuar Johanes Han, komesioner per zgjerim i BE-së.

Detajet se kush do t’i organizojë zgjedhjet dhe kush do të jetë deri në zgjedhje në krye të Qeverisë do të diskutohen në një takim të rradhës që u paralajmërua të zhvillohet në Bruksel gjatë javës së ardhshme.

Deklaratën e komesionerit e mbështetën edhe katër liderët e partive kryesore në vend, Nikolla Gruevski, Zoran Zaev , Ali Ahmeti dhe Menduh Thaçi.

Takimi ka zgjetur rreth tetë orë dhe u zhvillua në Rezidencën e Bashkimit Evropian në Shkup. (rtklive.com)