von Zemraadmin | Jan. 8, 2016 | Kosova
Tre liderët opozitarë, bashkë me deputet dhe aktivistë janë mbledhur para ndërtesës së Qeverisë së Kosovës për të paralajmëruar protestën e nesërme, që thanë se do të mbahet në të njëjtin vend.
Sipas tyre, protesta fillon në ora 14:00, te Biblioteka Kombëtare për të vazhduar nëpër sheshet deri te Qeveria.
Ata thanë se do të jetë një protestë paqësore, përmes së cilës do të kërkohet anulimi i dy marrëveshjeve dhe llogaridhënie nga Qeveria për marrëveshjet.
Ata thanë se kjo qeveri duhet të dorëhiqet sepse vendin nuk mund ta drejtojë dikush që shkel Kushtetutën.
Kryetari i Aleancës për Ardhmërinë e Kosovës, Ramush Haradinaj, u bëri thirrje qytetarëve të Kosovës që të bashkohen në protestën e nesërme. “I ftoj të gjithë qytetarët që në ora 14:00 të vijnë tek Biblioteka Kombëtare, e të marshojmë bashkë deri në sheshin Skenderbeu. Të protestojmë për anulimin e marrëveshjeve të dëmshme dhe të kërkojmë llogaridhënie nga ata që e shkelën Kushtetutën”, tha Haradinaj.
Visar Ymeri, Kryetar i VETËVENDOSJE!-s, tha se nesër është një ditë jashtëzakonisht e rëndësishme për Republikën e Kosovës. “9 janari është dita e protestës gjithëpopullore, dita e protestës së qytetarëve kundër marrëveshjeve të dëmshme dhe të rrezikshme që i ka nënshkruar Qeveria e Kosovës, dhe kundër këtyre shkelësve të Kushtetutës. Nesër, qytetarët do të bëhen bashkë për ta kërkuar sovranitetin e vendit. Republika e Kosovës nuk mund të udhëhiqet nga njerëz që me vendimet e veta tentuan ta përmbysin rendin kushtetues të vendit”, theksoi Ymeri.
Kryetari i Nismës për Kosovën, Fatmir Limaj, tha se nesër në shesh do të protestojmë masivisht, për të mos lejuar që shkelësit e Kushtetutës të vazhdojnë të qeverisin me vendin. “Është momenti kur zëri qytetar duhet të jetë i bashkuar dhe i fuqishëm, ashtu që të mos lejojë një precedent të keq në Kosovë që shkelësit e Kushtetutës të vazhdojnë të qeverisin. Nëse ata refuzojnë të japin llogari, atëherë edhe ne si qytetarë duhet të refuzojmë të na qeverisin shkelësit e Kushtetutës”, u shpreh Limaj.
Nesër në ora 14:00, do të mblidhemi tek Biblioteka Kombëtare, për të nisur kështu protestën për shtet me sovranitet dhe kundër Qeverisë antikushtetuese. /RTKLive
von Zemraadmin | Jan. 4, 2016 | Lifestyle
Në këtë artikull do të mund të lexoni për eksperiencën e Crystal Davis me një eksperiment të cilin ajo e bëri duke pirë ujë të ngrohtë me limon dhe mjaltë, çdo mëngjes për një vit të tërë.
Para disa viteve, ajo filloi të blejë dhe konsumojë mjaltë dhe pije me limon. Në fillim, asaj nuk i ndihmoi aq shumë, por gjërat ndryshuan më vonë. Konsumimi i limonit të freskët të shtrydhur dhe mjaltës organike – ujë të ngrohtë me limon dhe mjaltë –ishte një gjë krejtësisht ndryshe. Ajo e filloi këtë përvojë të re 12 muaj
më parë, për shkak se dëshironte të dinte nëse me të vërtetë ky kombinim është mahnitës siç thonin të tjerët.
Ajo tani është plotësisht e kënaqur nga rezultatet e kësaj aventure, dhe më poshtë mund t’i lexoni arsyet:
Nuk kishte më sëmundje gastro, grip apo ftohje përgjatë tërë vitit Për të qenë e sinqertë, thotë ajo, kjo përvojë ndryshoi mendjen time. Në të kaluarën ajo gjithmonë merrte viruse dhe ftohej gjatë sezoneve të ftohta. Shumica e njerëzve e kanë këtë problem, gjithashtu, transmeton Lajmi.net.
Ajo thotë se sapo filloi këtë regjim, këto ndjenja të pakëndshme dhe situata ndaluan së ndodhuri.
“Betohem se mjalti dhe pija me limon ka bërë rilindje në jetën time,” thotë ajo.
Ajo u bë një person i hershëm dhe nuk kishte nevojë më për kafe Kjo pije e pabesueshme i jep energji trupit si kurrë më parë. Do të ju zgjojë më mirë se një kafe. Ju do të ndjeni freski në jetën tuaj. Dhimbjet e kokës largohen që në javët e para. Nëse e përdorni këtë recetë nuk do të keni nevojë më për aspirina dhe medikamente të tjera që i keni përdorur më parë Të themi thjeshtë, kjo pije është e mrekullueshme.
Sie sehen gerade einen Platzhalterinhalt von YouTube. Um auf den eigentlichen Inhalt zuzugreifen, klicken Sie auf die Schaltfläche unten. Bitte beachten Sie, dass dabei Daten an Drittanbieter weitergegeben werden.
Mehr Informationen
von Zemraadmin | Jan. 4, 2016 | Kosova
Skeçi ‚Plani strategjik‘ i Stupcave bëri shumë bujë mediatike.
U dhanë shumë kritika, pro dhe kundër skeçit të Stupcave, derisa ata po heshtnin.
Para pak minutash Stupcat kanë reaguar me një deklaratë zyrtare në faqen e tyre në Facebook, transmeton lajmi.net.
Më poshtë mund të shihni deklaratën e plotë të Stupcave.
von Zemraadmin | Dez. 30, 2015 | Kronikë e Zezë
Një minorene shqiptare 17 vjeçare, e cila gjendej prej disa ditësh me pushime në Itali për festat e Krishtlindjes është rrëmbyer e përdhunuar për 4 ditë rresht me qëllim prostitucioni.
Ngjarja ka ndodhur në qytezën Villarica të Napolit, ku 17 vjeçarja shqiptare ishte e ftuar tek të afërmit.
Më 21 dhjetor, minorenia shqiptare del për një shëtitje e nuk kthehet më. Familjarët denoncojnë zhdukjen e saj në policinë e qytezës e cila në koordinim me policinë e Napolit nis operacionin për gjetjen e minorenes. Dokumentohen lëvizjet e saj, të njohurit, miqtë. Por brenda pak orësh një lajm i dytë mbërrin nga familjarët që me anë të disa miqve të përbashkët janë informuar se vajza është mirë e se kërkon pasaportën e saj.
Policia italiane dyshon në këtë lajm të dytë e lejon që familjarët të dërgojnë pasaportën tek vajza. Agjentë të policisë të maskuar civilë ndjekin nga afër çdo lëvizje të familjarëve të 17 vjeçares shqiptare.
Në momentin e dorëzimit të pasaportës i realizuar nga dy gra ndërmjetëse mes familjarëve e “të njohurve” të shqiptares, policia italiane mundi të zbuloj se vajza ishte e rrëmbyer me anë të mashtrimit e mbahej e mbyllur dhe e pangrënë në një shtëpi të braktisur në Kastel Volturno.
Për 4 ditë rresht 17 vjeçarja shqiptare ishte përdhunuar me qëllim trafikimin e saj si prostitutë.
Nën pranga ka përfunduar shqiptari 42 vjeçar Besnik Barashima me akuzën e sekuestrimit të personit, dhunë seksuale e trafik të prostitucionit minorenë.
von Zemraadmin | Dez. 30, 2015 | Kosova
Norma e kthimit të interesit kapital prej 21 përqind për kompaninë „ContourGlobal“ e cila do bëjë ndërtimin e Termocentralit të ri Kosova A është shumë e lartë dhe një gjë e tillë nuk ekziston askund.
Kështu ka thënë kryetari i Vetëvendosjes, Visar Ymeri, gjatë një konference për media ku akuzoi Qeverinë e Kosovës se nuk është aspak transparente sa i përket detajeve më të hollësishme rreth kësaj kompanie dhe rreth marrëveshjes që është bërë me të.
Sipas tij, kjo normë kaq e madhe dhe pastaj shuma e kthimit të kredive për ndërtimin e Termocentralit “Kosova e Re” do të ngrisë çmimin e energjisë elektrike në Kosovë për 50 përqind.
Po ashtu premtimet se do të hapen 10 mijë vende të punës me ndërtimin e këtij termocentrali, sipas Ymerit nuk do të realizohen, ashtu sic nuk janë realizuar edhe premtimet për punësim gjatë fushatës elektorale.
