von Zemraadmin | Dez. 29, 2014 | Sport
Boksieri shqiptar Haxhi Krasniqi në duelin e 46 profesionist kishte për t´i mbrojtur dy titujt e tij të kategorisë gjysmë të rëndë: WBO International e WBA Continental dhe këtë e bëri me plot sukses. Krasniqi e mposhti rivalin e tij polak Dariusz Sek me poena mbi 12 raunde me një epërsi të kjartë para 3.000 shikuesve në Mynih të Gjermanisë.
Dariusz Sek me 20 Dhjetor e dëshmoi cilësinë e tij, boksieri 28 vjeqar nga Polonia u tregua, siq ishte pritur, teknik shumë i mirë dhe poashtu boksier shumë i qendrueshëm. Ai e donte fitoren sikur edhe boksieri shqiptar me vëndbanim në Mynih të Gjermanisë Haxhi Krasniqi, por boksieri më i mirë në këtë mbrëmje ishte Krasniqi i cili ishte shumë më aktiv dhe arriti të qëllon kundërshtarin e tij në 12 raunde shumë më shumë se anasjelltas, gjithashtu goditjet e Krasniqit qëlluan më shpesh koken e kundërshtarit, ndërsa kundërshtari shumë shpesh u ndalte në mbrojtjen e Krasniqit e cila ishte shumë e sigurt.
Rreth 3.000 shikues (80% shqiptar) në Ballhaus Forum „Hotel Dolce“ München-Unterschleißheim u ndan shumë të lumtur sepse e kishin parë një ndeshje shumë të bukur 12 raundshe dhe një fitues të merituar. Haxhi Krasniqi i gëzoj zemrat e shqiptarëve duke i rrespektuar vëndasit gjerman dhe duke u krenuar me rrënjet shqiptare, gjatë duelit të Krasniqit në publik valonin dhjetra flamuj shqiptar dhe këndohej e festohej shqip, edhe të pranishmit gjerman, ndër ta shumë pjestar të Ushtrisë Gjermane ishin shumë mirënjohës për atë atmosfer shqiptare me plot dinjitet. Rrespekt për boksierin shqiptar dhe poashtu rrespekt shumë të madhë për shikuesit dhe mbështetësit shqiptar.
Cilët janë hapat e radhës për Krasniqin ?
Luan Dreshaj: „Pas kësaj lufte të madhe Haxhiu padyshim se e ka merituar poziten e parë në ranglistat botërore dhe shansat janë shumë të mira që në Pranverë të vitit 2015 të lufton sërish për titullin e botës, eventualisht kundër gjermanit Jürgen Brähmer. Në Janar do të mësojmë më shumë rreth këti dueli të mundshëm, Promotori i Haxhiut ULF STEINFORTH do të bën çmos për të mundësuar luften Krasniqi vs. Brähmer„.
Familja e Haxhi Krasniqit me 20 Dhjetor nuk e kishte vetëm një festë. Rreth 1.500 km larg Mynhenit, në Pejë të Kosovës u ngjit në ring vëllai më i ri i Haxhiut, Qendrim Krasniqi, ai është akoma në moshë shumë të re por ka filluar vitin e kaluar që të zhvillon duele amatore. Në një turne të boksit amator në Pejë Qendrimi arriti të shenon fitore që në raundin e parë me KnockOut teknik, dueli i tij u mbajt brenda ditës, pra disa orë para vëllait të madhë Haxhiut i cili ndërkohë e mësoj rezultatin dhe ishte shumë krenar për fitoren e Qendrimit. 20 Dhjetori ishte pra një ditë shumë e suksesshme për familjen e Tafë Krasniqi (i Ati i Haxhiut dhe i Qendrimit) nga Juniku. Shpresojmë se me suksese të tilla do të vazhdojnë gjithmonë.
/AlbanianBoxing.com/
von Zemraadmin | Dez. 29, 2014 | Maqedonia
Dëbora e madhe dhe mungesa e rrymës elektrike më shumë se 10 orë kanë bllokuar lëvizjen dhe jetën normale të qytetarëve të Dibrës. Ky qytet me mbi 10 mijë banorë mbetet i bllokuar tërësisht.
Mbrëmë rreth orës 22:00, banorë dibran kanë raportuar se është ndërprer rryma elektrike deri në këto çaste dhe janë bllokuar gjithë akset rrugore për në periferi të Dibrës
Drejtuesit e pushtetit vendor dhe komuniteti i zonës po ndihmojnë maksimalishtë që të dilet nga kjo situatë e vështirë.
/zhurnal.mk
von Zemraadmin | Dez. 29, 2014 | Maqedonia
Një kamion i përmbysur në rrugën Shkup – Veles para tunelin në Katllanëve ka bllokuar këtë aks rrugor mbërmjen e sotme, duke shkaktuar një kolonë makinash prej rreth 5 kilometrave.
Ndalesa për mjetet e rënda ka në akset Mavrov-Dibër-Strugë, Tetov=Kodra e Diellit, Strugë – Qafë Thanë, si dhe në disa rrugë regjionale të zonës së Tetovës dhe Gostivarit.
Ndërkohë, për shkak të rreshjeve të borës fluturimet dhe aterimet në aeroportin e Shkupit “Aleksandri i Madh” sot janë anuluar.
Sipas informatave në ueb faqen e aeroportit, fluturimet e parapara sot nga Shkupi për Dubai, Cyrih, Stamboll dhe Londër janë anuluar.
Ndërsa një pjesë e aterimeve për në Shkup nga Cyrihu, Stambolli, Brukseli dhe Baseli janë orientuar drejt aeroportit “Adem Jashari” në Prishtinë.
/albeu.com/
von Zemraadmin | Dez. 29, 2014 | Maqedonia
Grupi i hakerave „Kosovo Cyber Elite’s“ ka hakuar faqen e Hekurudhave dhe të Transportit të Maqedonisë.
Në faqe nuk shfaqen më informacione që kanë të bëjnë me ministrinë, por shfaqet emri i grupit dhe shqiponja dykrenare shqiptare, transmeton Zhurnal.
Ndërsa, edhe në sfond dëgjohet një këngë me nota patriotike shqiptare.
/albeu.com/
von Zemraadmin | Dez. 28, 2014 | Shqiperia
Burime brenda institucioneve të sigurisë në Kosovë, janë duke e hetuar mundësinë, nëse cak i sulmit terrorist në Prishtinë, që po pergatitej nga një serb nga Beogradi, mund të ketë qenë edhe kryeministri i Shqipërisë, Edi Rama, i cili sot vizitoi kryeqytetin e Kosovës.
Një makinë e mbushur me eksploziv është ndaluar të enjten në mbrëmje nga Policia e Kosovës në lagjen “Arbëria” në Prishtinë, ku ndodhen selitë e Ambasadës Amerikane dhe disa përfaqësi të huaja diplomatike.
Makina e tipit ‘Renault Clio’ me targa të Beogradit, si dhe materiali eksploziv është konfiskuar nga Policia, ndërsa shoferi me inicialet S.G. me nënshtetësi nga Serbia është arrestuar dhe ndodhet në paraburgim. Edhe pse aksioni policor është zhvilluar në lagjen ku janë të vendosura disa ambasada të huaja, në Polici thonë se rasti nuk mund të ndërlidhet me ndonjë sulm terrorist apo sulm ndaj ambasadave.
Por burime nga institucione te sigurisë, po verifikojnë edhe informacione të bazuara që flasin se objektiv sulmi mund të ketë qenë hoteli ku pritej të qëndronte gjatë vizitës në Kosovë, Kryeministri Edi Rama, raporton televizioni Top Channel.
Nuk dihet nese ndryshimi i axhendes se Kryeministrit shqiptar, moshkuarja mbreme ne Prishtine, por vetem sot ka lidhje me kete rast. Zyrtarisht policia e Kosoves hedh poshtë çdo version sepse hetimet përfundimtare do të tregojnë motivet e vërteta të sulmit.
Hetuesit policorë që po merren me këtë rast kanë treguar me kushte anonimiteti për Top Channel, se materiali eksploziv brenda makinës ka qenë në transportim e sipër dhe i njëjti, pas përgatitjes, do të mund të hidhej në erë me telekomandë për ndonjë sulm terrorist, pasi materiali ka qenë i ndarë në 10 njësi të veçanta.
Edhe pse zyrtarisht nuk behet i ditur se për çfare lloj materiali eksploziv bëhet fjalë, sipas hetuesve të rastit mund të jetë shumë i rrezikshëm nëse do të përdorej në hapësira të mbyllura ku ka njerëz.
“Policia e Kosovës paraprakisht ka zotëruar informacion inteligjent lidhur me veturën e dyshuar dhe mundësinë e qarkullimit të sajë drejt Prishtinës. Realisht vetura e cila është ndaluar nga njësitë policore ka qenë veturë në lëvizje dhe ka qenë materia duke u transportuar. Nuk mund të themi për ndonjë sulm terrorist të mundshëm, mirëpo mund të themi që është një materie e përpunuar, e cila ka qenë e mbështjellë në disa pjesë dhe që mund të përdoret si materie e rrezikshme eksplozive”, tha Kelani.
Kelani ka treguar se makina e mbushur me lëndë eksploziv ishte nën vëzhgim policor para se të ndalohej pasi sipas tij informacionet për të ishin marrë nga Agjencia Inteligjente. Po ashtu mësohet se makina e ndaluar në Prishtinë kishte ardhur nga Serbia në Kosovë përmes veriut të Mitrovicës. Prokuroria Speciale e Kosovës urdhëruar ndalimin policor për 48 orë ndaj personit S.G për shkak të dyshimit se ky person ka kryer veprën penale:
“Përgatitja e veprës terroriste ose veprave penale kundër rendit kushtetues dhe sigurisë së Republikës së Kosovës”, nga neni 144 i Kodit Penal të Republikës së Kosovës. (Top Channel)
