34 mijë nxënës presin të regjistrohen në shkolla të mesme

Rreth 34 mijë nxënës që kanë përfunduar klasën e nëntë, presin të regjistrohen në shkollimin e mesëm të lartë në bazë të konkursit që është hapur sot.

Ministria e Arsimit, ka bërë të ditur se në të gjitha komunat e Kosovës janë përcjellë kriteret, të cilat duhet të plotësohen për pranimin e nxënësve në Shkollat e Mesme të Larta. Kriteret e përgjithshme janë, nga numri i pikëve, gjegjësisht nga suksesi i arritur në shkollimin paraprak 40 pikë dhe nga testi i arritshmërisë 60 pikë. Konkursi mbyllet më 22 qershor, ndërsa më 23 publikohen rezultatet. Për nxënësit të cilët nuk arrijnë të regjistrohen në shkollat e mesme të larta, do të ketë konkurs plotësues me 24 gusht. / RTKLive.com