Tirana shënon 137-vjetorin e Lidhjes së Prizrenit

Tirana shënon 137-vjetorin e Lidhjes së Prizrenit

Në Tiranë është shënuar simbolikisht 137-vjetori i Lidhjes Shqiptare të Prizrenit.

I vetmi aktivitet është organizuar në Muzeun Historik Kombëtar, ku është hapur një ekspozitë që kujton këtë ngjarje me rëndësi historike të kombit shqiptar. (RTKLive)

Shqiperia: Hetim i thelle e transparent ne Kumanove – shqiptaret te dalin nga ankthi

Deklaratë e Qeverisë Shqiptare mbi ngjarjet në Kumanovë të Maqedonisë

Qeveria e Republikës së Shqipërisë ka ndjekur me vëmendje të veçantë dhe shqetësim të madh zhvillimet tragjike të orëve të fundit në Kumanovë të Maqedonisë.
Duke shprehur keqardhjen më të thellë për humbjen e jetëve njerëzore, Qeveria e Shqipërisë mbron bindjen se në asnjë rrethanë nuk mund të lejohet që kriza në Maqedoni të përshkallëzohet. Zhvillimet dramatike të ditëve të fundit në Kumanovë kanë cënuar normalitetin dhe marrëdhëniet ndëretnike, të cilat mbeten ende të brishta për shkak të moszbatimit të plotë të Marrëveshjes së Ohrit, por pa dyshim janë jetike për ekzistencën e shtetit maqedonas.

Në këto kushte është me shumë rëndësi mbrojtja e jetës, pronës dhe lirive e të drejtave të çdo qytetari të Maqedonisë, pavarësisht, përkatësisë së tij etnike. Më shumë së asnjëherë, kjo vlen aktualisht për Kumanovën e banuar kryesisht nga shqiptarë.
Reja e paqartësisë mbi të gjitha orët e rënda të Kumanovës, të cilat u përjetuan me ankth nga shqiptarët kudo ku jetojnë, duhet t\'ia lënë vendin sa më parë transparencës së plotë për këtë ngjarje. Përveçse policëve të vrarë dhe të plagosur, ende nuk është thënë asgjë për jetët e qytetarëve të pa mbrojtur të Kumanovës, për arratinë e tyre, për pronën e tyre të bastisur, djegur dhe shkatërruar. Padyshim kjo paqartësi shqetësuese nuk ndihmon në kthimin e plotë të normalitetit. Por po ashtu kjo e bën edhe më imediate nevojën për kthjelltësi, qartësi dhe durim për t’i shkuar të vërtetës deri në fund.

Qeveria e Shqipërisë i bën thirrje qeverisë dhe autoriteteve ligj zbatuese në Maqedoni që të mundësojnë dhe kryejnë një hetim të thellë, të shpejtë, të plotë e transparent, në funksion të së vërtetës dhe vet stabilitetit të Maqedonisë e rajonit. Vetëm transparenca e thellë dhe e plotë, nëpërmjet paraqitjes së fakteve e provave të besueshme për qytetarët, do të shërbente në rikthimin e besimit në institucione dhe do të shmangte përsëritjen e këtij precedenti aq të padëshirueshëm nga popullata civile të një ngjarjeje të tillë.

Republika e Shqipërisë dënon çdo akt dhune, duke e konsideruar atë të papranueshëm për një shoqëri demokratike që aspiron integrimin euro-atlantik. Republika e Shqipërisë gjithashtu do ta konsideronte jo vetëm kundër produktive po edhe të papranueshme për ambicien europiane të rajonit, çdo paragjykim mbi baza etnike të çdo personi apo grupi personash të armatosur.

Qeveria e Shqipërisë e mirëkupton shprehjen e revoltës qytetare të shprehur përmes mjeteve të komunikimit, ndaj humbjes së jetëve njerëzore në kushte të një ankthi e paqartësie kaq të madhe. Por Qeveria e Shqipërisë thekson me forcë po ashtu se do të ishte e papranueshme humbja e drejtpeshimit në raport me këtë ngjarje dhe kurrsesi nuk duhet lejuar që kriza politike e Maqedonisë të konvertohet në një krize ndëretnike, e cila do të ishte shkatërrimtare për Maqedoninë.

Republika e Shqipërisë bën thirrje për qetësi, vetëpërmbajtje dhe një zgjidhje të duhur të krizës në shërbim të qytetarëve dhe aq të domosdoshme në funksion të stabilitetit.

Ishte cak i sulmit terrorist në Prishtinë për Edi Rama?

Ishte cak i sulmit terrorist në Prishtinë për Edi Rama?

Burime brenda institucioneve të sigurisë në Kosovë, janë duke e hetuar mundësinë, nëse cak i sulmit terrorist në Prishtinë, që po pergatitej nga një serb nga Beogradi, mund të ketë qenë edhe kryeministri i Shqipërisë, Edi Rama, i cili sot vizitoi kryeqytetin e Kosovës. 

Një makinë e mbushur me eksploziv është ndaluar të enjten në mbrëmje nga Policia e Kosovës në lagjen “Arbëria” në Prishtinë, ku ndodhen selitë e Ambasadës Amerikane dhe disa përfaqësi të huaja diplomatike.

Makina e tipit ‘Renault Clio’ me targa të Beogradit, si dhe materiali eksploziv është konfiskuar nga Policia, ndërsa shoferi me inicialet S.G. me nënshtetësi nga Serbia është arrestuar dhe ndodhet në paraburgim. Edhe pse aksioni policor është zhvilluar në lagjen ku janë të vendosura disa ambasada të huaja, në Polici thonë se rasti nuk mund të ndërlidhet me ndonjë sulm terrorist apo sulm ndaj ambasadave.

Ishte cak i sulmit terrorist në Prishtinë për Edi Rama? 2

Por burime nga institucione te sigurisë, po verifikojnë edhe informacione të bazuara që flasin se objektiv sulmi mund të ketë qenë hoteli ku pritej të qëndronte gjatë vizitës në Kosovë, Kryeministri Edi Rama, raporton televizioni Top Channel.

Nuk dihet nese ndryshimi i axhendes se Kryeministrit shqiptar, moshkuarja mbreme ne Prishtine, por vetem sot ka lidhje me kete rast. Zyrtarisht policia e Kosoves hedh poshtë çdo version sepse hetimet përfundimtare do të tregojnë motivet e vërteta të sulmit.
Hetuesit policorë që po merren me këtë rast kanë treguar me kushte anonimiteti për Top Channel, se materiali eksploziv brenda makinës ka qenë në transportim e sipër dhe i njëjti, pas përgatitjes, do të mund të hidhej në erë me telekomandë për ndonjë sulm terrorist, pasi materiali ka qenë i ndarë në 10 njësi të veçanta.

Edhe pse zyrtarisht nuk behet i ditur se për çfare lloj materiali eksploziv bëhet fjalë, sipas hetuesve të rastit mund të jetë shumë i rrezikshëm nëse do të përdorej në hapësira të mbyllura ku ka njerëz.

“Policia e Kosovës paraprakisht ka zotëruar informacion inteligjent lidhur me veturën e dyshuar dhe mundësinë e qarkullimit të sajë drejt Prishtinës. Realisht vetura e cila është ndaluar nga njësitë policore ka qenë veturë në lëvizje dhe ka qenë materia duke u transportuar. Nuk mund të themi për ndonjë sulm terrorist të mundshëm, mirëpo mund të themi që është një materie e përpunuar, e cila ka qenë e mbështjellë në disa pjesë dhe që mund të përdoret si materie e rrezikshme eksplozive”, tha Kelani.

Kelani ka treguar se makina e mbushur me lëndë eksploziv ishte nën vëzhgim policor para se të ndalohej pasi sipas tij informacionet për të ishin marrë nga Agjencia Inteligjente. Po ashtu mësohet se makina e ndaluar në Prishtinë kishte ardhur nga Serbia në Kosovë përmes veriut të Mitrovicës. Prokuroria Speciale e Kosovës urdhëruar ndalimin policor për 48 orë ndaj personit S.G për shkak të dyshimit se ky person ka kryer veprën penale:
“Përgatitja e veprës terroriste ose veprave penale kundër rendit kushtetues dhe sigurisë së Republikës së Kosovës”, nga neni 144 i Kodit Penal të Republikës së Kosovës. (Top Channel)

 

Serbët mundohen t’i hakmerrën: Rama e pranon se Kosova është Serbi!

Mediat serbe, apo më sakt gazeta e kryeministrit serb Aleksandër Vuçiq, ‚Informer‘, është munduar t’i hakmerrët kryeministrit shqiptar Edi Rama, për atë që ky ua bëri gjatë vizitës së parafundit në Beograd, por edhe për prezantimin e fuqishëm gjatë Samitit Kinez, të mbajtur në kryeqytetin serb.

Kjo gazetë mundohet që përmes një loje fjalësh t’i paraqesë deklaratat e kryeministrit shqiptar në atë formë, kinse ai e paska pranuar se Kosova është Serbi.

Ata në këtë rast marrin deklaratën e Ramës, i cili thotë se, ‚Serbia është fqinji ynë, e jo armiku ynë‘.

Kjo gazetë e cila në Serbi njihet si medium në pronësi indirekte të kryeministrit serb, këtë deklaratë të Ramës e lidh me faktin se Shqipëria territorialisht kufizohet me Serbinë vetëm përmes territorit të Kosovës, transmeton reporteri.net.

‚Kryeministri i Shqipërisë , Edi Rama, i cili kishte provokuar me deklaratat e tij për pavarësinë e Kosovës, sot tha Shqipëria dhe Serbia janë fqinjë e jo armiq dhe kështu praktikisht e pranoi se Kosova është një pjesë integrale e Serbisë, pasi ne kufizohemi me Shqipërinë në kufijtë jugor të Kosovës‘, shkruan kjo gazetë.

 
Shefi i zyrës për Kosovë në qeverinë e Serbisë Milovan Drecun, i ka thënë gazetës se Rama kishte të drejtë për një gjë, dhe ajo është kur tha se Serbia dhe Shqipëria janë fqinjë, ’sepse Kosova është e jona‘.

‚Rama e pranoi këtë fakt, nëse Zoti na ruajt, ai kur ka thënë ashtu nuk e ka konsideruar territorin e Kosovës si pjesë e territorit të Shqipërisë. Nëse ai do të thoshte këtë të fundit, atëherë deklaratat e tij pajtuese janë vetëm një mbulesë, dhe kjo do të ishte në kundërshtim me të drejtën‘, ka thënë Drecun.

/reporteri.net

Vrasja e ‚grabitësve, hije dyshim mbi ngjarjen

Një ditë pas vrasjes së dyfishtë në zonën e Selitës, policia është rikthyer në vendngjarje për ekspertizë. Pas marrjes në pyetje të shtetasit Flamur Ymeri, i cili qëlloi për vdekje dy persona, të cilët sipas tij tentuan t’i vidhnin shtëpinë, ekspertët janë drejtuar për në shtëpinë e tij për të kqyruar provat edhe një herë.

Dy prokurorë, ekspertë të policisë shkencore, si dhe oficerë të policisë gjyqësore kanë qëndruar rreth dy orë në shtëpinë e Ymerit. Ky i fundit ishte vetë personin që njoftoi policinë për ngjarjen e ndodhur, mëngjesin e së mërkurës rreth orës 08:00.

45-vjeçari telefonoi dje në numrin 129 në sallën operative të Policisë, duke deklaruar se në shtëpinë e tij gjenden dy trupa të pajetë, të cilët i kishte qëlluar me armë pasi kishin tentuar t’i vidhnin shtëpinë. Por, nga hetimet ka rezultuar se nuk ka përputhje mes gëzhojave dhe armës me të cilën Ymeri pretendon se ka vrarë dy „grabitësit“. Përveç këtij detaji ka edhe disa fakte të tjera të dyshimta në këtë ngjarje.

Shqipëria shteti më i rrezikshëm në Ballkan

Shqipëria është shteti më i rrezikshëm në Ballkan për të jetuar. Vetëm gjatë vitit 2012 janë regjistruar 159 vrasje. Vendi më i qetë është Sllovenia,ku ka pasur vetëm 14 vrasje.

Sipas numrit të vrasjeve, në Maqedoni ndodhin më shumë vrasje se në Serbi. Vetëm gjatë vitit 2012 ka pasur 37 vrasje.

Kështu flasin të dhënat zyrtare në raportin e publikuar të Organizatës Botërore të Shëndetësisë për periudhën 2000-2012.

/reporteri.net